اليوم راح اعملكم اليوم اكله فلسطينيه
اسمها ... المشاط
وهي عباره عن زهره وبيض وطحين وتوابل
يعني قريبه على العجه .. بس هيك بحكولها
عنا
بسم الله
بدنا .....
راس زهره متوسط
4-5 بيضات
بصله مفرومه
سنين او اكثر ثومه مفرومين
طحين
ربع ضمة بقدونس
ملح .. فلفل .. كمون
ملعقه صغيره بكينغ باودر حسب رغبه
زعتر
نعنع حسب رغبه
الطريقه
نقسم الزهره لقطع كبيره شوي
نسلقها .. بس ما نخليها طريه كتيير
في جاط عميق
بنحط البيض .. كل مره بيضه
نخفقهم ونضيف البقدونس
ونضيف باقي المقادير
ان كانت الزهره متماسكه .. نقسمها
لاقسام اصغر
لكن ان كانت طريه كتيير ما نقسمها لانها راح تتقطع مع التقليب
نضيف الطحين ونقلب حتى يصير عنا خلطه
متجانسه
في زيت حار .. نحط مقدار من الخلطه في
ملعقه كبيره .. ونسكبها في الزيت
على هيئة اقراص
.. لحد ما يحمر لونهم ..
ونرفعهم عن النار ونحطهم على ورق نشاف
يقدم المشاط .. سخن او بارد مع السلطه
او لبن رايب
مممممممم انا كتيييييييير بحبه يا شباب
وصبايا
فجربت اعمله بطريقه تانيه مشان روجيم دهنت صينيه صغيره زيت
وأخدت كميه منه وفردتها في الصينيه .. وحطيتها في الفرن
بس لحد ما احمرت اطرافها .. بعدين
حمرتها شوي من فوق
وآآه ما طلعت يابسه زي القلي .. بس
طعمها برضو طلع بجنننن
للعلم بس .. القلى ازكى وبكون فيها قرمشه لهيك المقلي ازكى ههههههههههه
ان شاء الله تجربووها لانها
كتييييييييييير طيبه
ممممممممممممممم
صحتين وعافيه على قلبكم
