ويـش مشكلتـــك 9
مقهور والله مقهور
خير شو فيك يا منصور
اقولك مقهووووووووور مقهور
وفيني من الغم والهم بحور
عسى ما شر
ويش مشكلتك
قول طلع المستور
ويش اقول ونفسي ضايقة
بعد ما كانت من الفرح رايقة
مختنق افكر وأفكر وأفكر
وما عرفت الشور
زين يا منصور أنت قول مشكلتك
وعساها تنحل
وربك قادر يسهل كل الأمور
ونعم بالله يا صديقي سرور
يا ناس بغيتها على سنة الله ورسوله
حوشت مبلغ زين
نتزوج فيه احنا الاثنين
يخلينا نعيش بالدنيا المنظورة
ونستر حالنا بعيد عن القروض
والديون والرهن وشروره
فيها شي ذي يا راعي الشور
لا والله ابد مافيها شي يا منصور
زين قلت بخطبها
وأروح عند ولي امرها
هي صح بنت حالتها ميسورة
وانت يا منصور حالتك مكسورة
لكن انا حوشت بعد سنين مهرها
والحين أريد أتزوجها وقادر استرها
عارف ديني وايماني وصلاتي
ومحافظ بالاحترام على علاقاتي
سألوا عني تعرفو كل شي عن حياتي
اوقر امي وابوي
ودايم التواصل مع أخواني واخواتي
وكل أهلي لهم عالي المقاماتِ
متربي على الاشياء الزينة
وما لي ابد في الأمور الشينة
لا صايع ولا ضايع
من الدوام وإلى البيت راجع
وبكل شي راضي وقانع
شو قلت عمي ابو فلانه
لا تقول عمي يالعنسلانة
افاااااااااا وهذا أنا جيتك من الباب
يعني لو فكرت بغير هذا
كنت ما طرقت الباب
وبعدين الرأي رأي البنت شاورها
لا والله الرأي رأيي أنا
ما تعرف اني ابوها أنا
وما عندنا بنت نشاورها
لكن هذا حقها
تختار البنت زوجها
الاسلام امر بهذا والسنة
واضحة امورها وعليك تنفيذها
عساك يارب تدخل الجنة
وما غلط يا الوالد نتبعها
حرام من اختيار زوجها تمنعها
هذه حياتها وهي الوحيدة تهمها
انت جرب شاورها
وانا راضي بقرارها
ولو وافقت انت شو راح تدفع لها
غير كم بيسة يا فارسها
تتوقع يكفن يكونن مهرها
هذا يا دوب يعشي أمها
عندك خالتها وعمتها وجدها
والله يحفظني ابوها طبعا انا..
واخوي المقصود عمها
واخوها لا تنساه لازم يذوق من مهرها
زين نقصت الجارة ما تبي بعد ادفع لها
يا الوالد أنا قصدت البنت واريد أتزوجها
ما لي في الباقين عسى ما كلت امها
يعني لو جبت لك بالالاف توافق وقتها
أكيد بالالاف بنتي مهرها
لانها غالية هذا سعرها
زين بالاقساط ممكن كل شهر ادفع لها
نسيت بعد ما نتزوج
شو يكون مصيري ومصيرها
راح ندفع القرض
من أول الزواج لين موتي او موتها
وما راح احد يساعدنا
ولا احد يعرفنا
ونظل ندفع وندفع والمشاكل حاضرة
لا بيت راح نسكنه
ولا استقرار نعرفه
ولا راحة بال غير عيون بالتفكير ساهرة
هذا اللي تبوه انت وغيرك من الاباء
لا همكم زواج بناتكم ولا راحتهن .. هذا افتراء
يا ولد خلك بحالك وشوف لك غيرنا ..رجاء
لكني حوشت المبلغ وجيتكم
وما بغيت من البنات غير بنتكم
امنية حياتي اتزوجها واصبح نسيبكم
وطردة ..
جاته على غفلة
ومن يومها وأنا جالس هنا مكسور
عند باب بيتي انتظر المستور
مقهور والله مقهور
مشكلتك يا منصور
ما مشكلة شاب يريد الزواج
المشكلة في عقول وافكار من زجاج
يتحكمو في الأمور بحجة انهم فاهمين
وعلى حياة بناتهم كثير مهتمين
ولكن للأسف أبد ما فاهمين
ولا عارفين
احترنا معاكم ما عرفنا هواكم
يا اولياء الامور المهمين !!
نسيت أقول يا منصور
البنت اللي رحت تخطبها
من يومين عرفت أنها
شو عرفت قولي يا سرور
استغفر الله..ولا اله الا الله
تورطت مع شخص بالمحظور
بعد ما كانت بنت يشهد عليها الكل
انها اخلاق وادب وما تعرف الغرور
ابوها الحين بالمشفى
من اللي صار لبنته متحسف ومقهـور !!
( حرف )
وتلك مشكلة أخــرى
وعظيم ما خفـى .. أنتبهوا يا اوليـاء الأمـور !!
... من رجُل!!
www.asheqalsamra.net