ويـش .. مشكلتــك 8
ما سك ورقه وقلم
يريد يكتب رسالة
يكتب سطر ويشطب سطر
ويلغي ويمحي
ويرميها في الزبالة
لا عرف يكتبها
ولا يعبر فيها
والله حالة
ثانوية عامة
احسن شي اسويه بالشهادة
أكسفها وارميها زبالة
دام ما منها فائدة
لا عرفت منها دين
ولا شيء ينفعنا بالدنيا الفانية
شو فائدة هذه الشهادة
افضل لي أروح ابيع في البقالة
لا ني لا قدرت اكتب سطر
عاد كيف لو اكتب شعر
أو أكتب للوزير رسالة
والله حسافة عشر سنين دراسه
ما عرفت شكل الحرف وأساسه
غير لما اكتبه على الكراسه
لكن اني اعرفه تكوينه واساسه
مستحيل طبعا
دام الدراسة بهذه الحالة
تلميذ فاشل يستاهل قطع راسه
زين ويش المشكلة الحين
المشكلة أني درست سنين
وتعلمت شهور وسنينن
مناهج فاشلة
بحوث ومشاريع من النت أبحث عنها
واصلا لا فاهم ولا عارف شي منها
أوراق كثيرة من فلوسنا نشتريها
هذه مدرسة حكومة
أو مدرسة خاصة وتحتاج سيولة
ما فيها شي يعطونا بالمجان
ما فرقت شي عن المدارس الخاصة غير بالعنوان
ويش هالحالة ويش الذنب اللي ارتكبته
أحب العلم وكثير احبه
لا أحس اني أتتعلم
ولا حد منه تتعلم
حتى هذا اللي اسمه المعلم
ولا واحد عنك مهتم
منهج بعدنا عن التعليم واساسه
لا صرنا نعرف عن التربية
لا دين فهمناه ولا تاريخ عرفنا
لا تقاليد فهمناها
ولا أمور الصلاة وغيرها عرفناها
ويش مشكلتك يا طالب التعليم
مشكلتي اني جيل قادم
جيل طموح وحالم
جيل ما عرف يكتب ولا يقرا
ما فيه فرق بيننا وبين الابكم والأعمى
سنين مرت ما استفادنا
ولما يسألونا كيف الدراسه
طالب كاشخ ويهز راسه
نقول زين وياليت ما قلنا
نضحك على الأهل
وما فيه شي العقل
وهم مصدقين قلوبهم بالدعاء تنهل
يا رب وفقهم في دراستهم
صعبة دراستهم كثير
سهلها لهم عسى تنفعهم بحياتهم
يا الله أنت القدير
حلمنا نطلع جيل مثقف
واحنا لما نريد نكتب السلام عليكم أبد ما نعرف
عاد كيف لو قالوا لنا نكتب مقال
يبغالنا شهر وشهرين ويمكن سنين طوال
مأساة والله مأساة
لا معلم مقتنع بأن مهنة التعليم رسالة
وأن الرسول فضلها عن كل مهنة
وقال عنها بأحاديثه واقواله من الحكمه
من علمني حرفا .. صرت له عبدا
ونحن تعلمنا الرقص والعزف
فصرنا نرقص ويميل مع الجسد
كنا نعرف التربية الاسلامية والنحو والاملاء
ونعرف الفتوحات العربية واسماء الشهداء
ونحفظ القصائد الجميلة ومنها الرثاء
والقرأن نحفظه كتابة وتلاوة وإنشاء
ونفسره بالاجتهاد والمعلم يبدي الثناء
والتاريخ والتضاريس والجغرافيا والاحياء
والعلوم واللغة العربية وحروف الهجاء
كثيرة مشاكلنا وهذه بعض منها
الدراسة والمنهاهج والكتب امست هواء
والتعليم من أساسه هراء
عرفت المشكلة
أو تبي اكتبها لك في رسالة
ولو كتبتها راح تعرف تقرأ الرسالة
اتوقع ..
مكانها الزبالة !!
( حرف )
أجيال تلاشت وتعلمت الرقص والعزف
لأنهم لم يجدو من ينقش على عقولهم الحرف !!
... من رجل!!
www.asheqalsamra.net
